Naziunal/Internaziunal Ulteriur podest per Wendy Holdener
La skiunza svizra è vegnida segunda en il slalom da Zagreb en la Croazia. Quai gia per la segunda giada en seria. Gudagnà la cursa ha l'Americana Mikaela Shiffrin.
Il podest
- 1. Mikaela Shiffrin (USA) 1:53,07
- 2. Wendy Holdener (Sz) +1,59
- 3. Frida Hansdotter (Sd) +2,11
Ella n’è simplamain buc da franar. La skiunza americana Mikaela Shiffrin gudogna era il slalom da Zagreb – e quai a moda suverana. Shiffrin ha dominà l’entira concurrenza e la finala triumfà cun in avantatg da passa ina secunda e mesa avant la Svizra Wendy Holdener. Lezza era gia suenter l’emprim percurs sin il segund plaz. Cumplettà il podest sco terza ha la Svedaisa Frida Hansdotter. Hansdotter perda gia passa duas secundas sin Mikaela Shiffrin.
Las ulteriuras Svizras
- 9. Mélanie Meillard +3,33
- 13. Michelle Gisin +3,63
- 16. Denise Feierabend +3,95
La sonda suonda in slalom gigant e la dumengia in slalom a Kranjska Gora en Slovenia.