Il mument cura ch'igl ha quintà il pli fitg, ha ella mussà sia prestaziun. Da quai è Annik Kälin (24) anc adina loscha. L'atleta da Grüsch è vegnida quarta en il heptatlon olimpic ed ha uschia manchentà ina medaglia mo per pauc. Cler, curt ha quai er vilentà in zic ella.
Igl ha dà in curt mument ch'jau hai pensà och, jau sun l'emprima che va a chasa senza medaglia.
Il nivel saja dentant stà uschè aut durant la concurrenza olimpica uschia ch'ella na possia propi far naginas reproschas a sasezza. Mintga atleta chattass probablamain en mintga disciplina anc piculezzas ch'ella pudess far meglier.
Muments d'Annik Kälin als gieus olimpics
-
Bild 1 von 7. Annik Kälin suenter la cursa da 800 meters als gieus olimpics 2024 a Paris. Bildquelle: Keystone.
-
Bild 2 von 7. Kälin celebrescha cun il public suenter la cursa da 800 meters. Bildquelle: Keystone.
-
Bild 3 von 7. Bildquelle: Keystone.
-
Bild 4 von 7. Plaschair suenter in aut sigl. Bildquelle: Keystone.
-
Bild 5 von 7. Kälin e la concurrenza durant ils 100 meters cun obstachels. Bildquelle: Keystone.
-
Bild 6 von 7. Kälin e la victura Nafissatou Thiam da la Belgia en la cursa da 800 meters. Bildquelle: Keystone.
-
Bild 7 von 7. Kälin (dretg) curra en la cursa da 200 meters en il stadion da Saint Denis. Bildquelle: Keystone.
Per Annik Kälin èsi stà la premiera olimpica. L'atleta da Grüsch ha sper tut il sportiv en il Stade de France a Paris avant bunamain 80'000 aspectaturs, er anc uschiglio prendì cun sai massa impressiuns dals gieus olimpics. Saja quai inscunters cun auters sportists, il viver en il vitg olimpic u era la visita d'autras occurrenzas da sport.
Ina da las sfidas saja uss da pudair sa focussar sin las proximas finamiras. Cun quai n'haja ella però gnanc uschè gronda fadia. L'emprim'emna cura ch'ella saja turnada da Paris, n'haja ella betg trenà, mabain propi fatg vacanzas. Ma uss è l'atleta da 24 onns puspè en il modus da sport e focussada sin las proximas concurrenzas.
E cler resta il siemi d'insacura pudair gudagnar ina medaglia ad in eveniment grond. La proxima schanza dad ir per uschè ina medaglia ha Annik Kälin en bun in onn als campiunadis mundials a Tokio.