El veglia puspè far cursas, ha Braathen ditg sco introducziun per portugais. Ed uschia èsi, cler per tgi ch’il spezialist dal slalom vul partir suenter sia dispita cun la federaziun norvegiaisa: la Brasilia. Da midar la naziun è pussaivel, perquai che la mamma da Braathen è Brasiliana.
Jau ma sent superbi da represchentar il pajais da mia mamma.
L’october passà, gist cura che la stagiun da cursas ha cumenzà – aveva Braathen annunzià surprendentamain da sa retrair dal sport da skis. L’um da 23 onns era en dispita cun la federaziun norvegiaisa, pervi d’ina reclama da vestgadira svedaisa. Questa marca da vestgadira na tutga betg tar ils furniturs d’equipament dals Norvegiais.
La stagiun 2022/2023 aveva Braathen gudagnà la culla da cristal pitschna dal slalom. En tut ha el fatg 12 podests en la cuppa mundiala davent dal 2021. E trais giadas è el stà il victur d’in slalom (Wengen e Val-d’Isère 2022 ed Adelboden 2023), e duas giadas d’in slalom gigant (Sölden 2020 ed Alta Badia 2022).
