L'anteriura giugadra da hockey grischuna Evelina Raselli daventa trenadra assistenta da la squadra naziunala da las dunnas sut 18 onns, quai communitgescha la Federaziun svizra da hockey. L'atleta da Poschiavo ha dà diversas stagiuns en la liga naziunala A. Cun l’equipa da la dunnas da Lugano è ella vegnida tschintg giadas campiunessa svizra. Durant blers onns è ella er stada giugadra naziunala. Ils puncts culminants en il dress da l’equipa naziunala èn stadas las medaglias da bronz tar il campiunadi mundial l’onn 2012 en ils Stadis Unids e la medaglia da bronz tar ils gieus olimpics l’onn 2014 a Sotschi.
Cun success a l'exteriur
Evelina Raselli ha er gì success a l’ester. Sco emprima giugadra da hockey svizra ha ella fatg il pass en la meglra liga da hockey da l’America dal Nord, la National Women’s Hockey League. Questa liga è sco la NHL dals umens. Cun Boston Bride ha Evelina Raselli gudagnà la stagiun 2021/2022 il titel.
Or da l'archiv
