La skiunza dal chantun Uri da 19 onns è campiunessa mundiala da la cumbinaziun ed ha uschia pudì defender ses titel da l'onn passà. Gia en il slalom ha Danioth fatg il meglier temp, quel ha ella pudì defender en il super-G. La Slovena Meta Hrovat è vegnida segunda e l'Austriaca Franziska Gritsch terza.

Gia la sonda passada ha Danioth pudì sa legrar d'ina medaglia d'aur en il team-event. Er là da la partida è stà Marco Odermatt che ha gia gudagnà trais medaglias d'aur.

RR novitads 15:00