La segunda ediziun da la cursa da notg da Segl a Puntraschigna è stada in grond success. Cun glisch da frunt sin il chau han las passlunghistas ed ils passlunghists prendì la loipa da Segl a Puntraschigna sut ils skis.

«  L’atmosfera è fitg bella, nus essan fitg cuntents.  »
Menduri Kasper
schef Maraton da skis engiadinais
audio-play
0:23
Bilantscha Menduri Kasper
Da Actualitad dals 08.03.2018

Cun Kari Varis gudogna questa giada in Finlandais la cursa da 17 kilometers. El dovra per il traject 39minutas e 22 secundas. En il sprint final decida el la cursa. Curdin Perl da Puntraschigna segua sin plazza trais. Il defensur dal titel è vegni cun ina gruppa da trais sin ils ultims meters e là eran Kari Varis ed era Petter Soleng Skinstad da la Norvegia in zichel pli svelts.

«  Mes meglier ski hai jau dà ad ina collega.  »
Curdin Perl
Passlunghist Puntraschigna
audio-play
2:28
Bunura: Maraton – Curdin Perl suenter ses terz plaz a la cursa da notg
Da Actualitad dals 09.03.2018

Tar las dunnas ha gudagnà la tscheca Klara Moravcova . Quai avant la russa Olga Nazarova e la Puschlavina Ursina Badilatti.
Passa 800 curriders èn stads da la partida. Quai e quasi il dubel da l’onn passà e mussa era ch'il desideri per talas cursas è qua.

RR actualitad 07:00