Siglir tar il cuntegn

Header

cuntegn

Asil Sprintra belarussa po sperar sin agid da l'Europa

Suenter remartgas criticas avess la sprintra Timanowskaja duì turnar immediat a chasa. Ma ella è sa dustada ed ha uss schanzas da survegnir asil en Europa.

La participanta dals gieus olimpics, Kristinia Timanowskaja avess duì esser da la partida oz al sprint da 200 meters als gieus olimpics a Tokio. Ma perquai ch'ella è s'exprimida a moda critica davart ses trenaders, avess ella stuì turnar a chasa. Tenor medias giapunaisas, hajan funcziunaris belaruss accumpagnà ella dumengia saira a l'eroport da Tokio. Là è ella dentant sa drizzada a la polizia giapunaisa. La notg ha ella passentà en in hotel a l'eroport, sut protecziun da la polizia. Tenor il comité olimpic hajan ins instradà contact cun l'agid da fugitivs da l'UNHCR.

video
Timanowskaja: «Els vulan trametter a chasa mai encunter mia voluntad»
Or da Tokyo 2020 Clips dals 02.08.2021.
laschar ir

L'entschatta per l'entira chaussa ha dà in video che Timanowskaja aveva fatg il posten sin Instagram. Entan è il video stizzà, ma en quel aveva ella crititgà ch'ella vegnia sfurzada da sa participar er a la cursa da 4x400 meters perquai che la federaziun n'avevia betg garantì avunda controllas da doping per intginas atletas che fissan en sasez stadas planisadas per la staffetta e quellas han stuì star a chasa. Perquai aveva Timanowskaja survegnì il cumond da turnar a chasa.

Funcziunaris hajan smanatschà

En il servetsch da messenger Telegram è vegnì publitgà in tagl d'ina registraziun nua ch'ils funcziunaris smanatschian ad ella ch'ella duai turnar. Pli fitg ch'ella sa dostia encunter il cumond da turnar e pli gronds ch'ils problems per ella vegnian. La correspondenta dad SRF en Russia, Luzia Tschirky ha manegià ch'il tun en quest discurs saja betg stà d'imaginar en in auter pajais europeic.

Uffizialmain argumenteschan ils funcziunaris ch'i saja vegnì decidi da far turnar Timanowskaja pervi da ses stadi mental betg stabil.

Tge capita uss cun Timanowskaja?

Plirs pajais, tranter auter la Tschechia e la Pologna han offrì a Timanowskaja da dar ad ella in visum. Da la Pologna hai perfin gì num ch'ella possia cuntinuar là sia carriera sportiva. Entan ha ella er entrà l'ambassadura polonaisa a Tokio. Ella haja er gia dumandà per asil en Pologna.

RTR novitads 12:00

Artitgels legids il pli savens

Scrollar a sanestra Scrollar a dretga