Il Svizzer Simon Ehammer è il nov campiun mundial en il heptatlon – pia la concurrenza da set disciplinas. L'Appenzellais da 24 onns ha gudagnà la concurrenza piz a cup – e quai cun in nov record svizzer. Avant l'ultima disciplina, il currer 1000 meters aveva Ehammer anc in avantatg, quel ha el pudì salvar enfin la fin. Malgrà che ses concurrent Norvegiais Sander Skotheim vala sco pli ferm sur la distanza da 1000 meters hai tanschì la fin cun in avantatg da 11 puncts da gudagnar il titel da campiun mundial.
Suenter Werner Günthör, Julie Baumann e Mujinga Kambundji è Ehammer il quart Svizzer che gudogna aur ad in campiunadi mundial en halla.
Annik Kälin ha manchentà per pauc la medaglia
La Grischuna Annik Kälin ha manchentà stgars ina medaglia en la disciplina siglir lung. La giuvna da 23 onns è vegnida tschintgavla. Per ina medaglia han la finala mancà be trais centimeters. Annik Kälin è oriunda da Grüsch e sa spezialisada sin siglir lung dentant er il heptatlon.