Almain enfin ils 31 da fanadur na datti nagins turniers da tennis sin la tur da ATP e WTA. Quai ha communitgà il sindicat dals atlets e las atletas. En Svizra èn pertutgads il turnier da las dunnas a Losanna (11 fin 19 da fanadur) ed il turnier dals umens a Gstaad (18 fin 26 da fanadur).
Il Cussegl federal ha però gia annunzià ch’i na dettia naginas occurrenzas grondas en Svizra enfin la fin d’avust. Inuffizial eri perquai cler gia dapi ils 29 d'avrigl ch'ils turniers en Svizra na possian betg vegnir manads tras. Ils organisaturs n’han dentant betg dastgà annullar las occurrenzas senza il consentiment da la ATP e WTA.