Siglir tar il cuntegn

Header

video
Live-Highlights bei Osaka vs. Brady
Or da Sport-Clip dals 20.02.2021.
laschar ir
cuntegn

Australian Open Naomi Osaka gudogna ses 4. titel da Grand Slam

La Giapunaisa da da 23 onns gudogna il final da l'Australian Open.

Per Naomi Osaka èsi il 4. titel da Grand Slam en sia giuvna carriera. La Giapunaisa batta l'Americana Jennifer Brady en dus sets cun 6:4 e 6:3. Malgrà ch'il numer trais dal mund ha fatg blers sbagls hai a la fin tanschì senza gronds problems per sia segunda victoria a l'Australian Open.

Suenter sulettamain 77 minutas è la partida stada a fin. Gist a l'entschatta da l'emprim set ha Brady, ch'ha giugà ses emprim final da Grand Slam, fatg ina buna parita. A l'entschatta dal segund set è Osaka dentant vegnida pli segira, entant che Brady ha cumenzà a far blers sbagls.

A partir da glindesdi mida Osaka grazia a la victoria dal terz sin il segund plaz en la rangaziun mundiala.

Legenda: Keystone

Final dals umens

Il final dals umens tranter Novak Djokovic e Daniil Medwdew cumenza damaun a las 9:35.

RTR Novitads 12:00 ;

Artitgels legids il pli savens

Scrollar a sanestra Scrollar a dretga