Rafael Nadal scriva istorgia. Il Spagnol gudogna ses 21avel Grand Slam – e metta cun quai si in nov record. El ha uschia gudagnà dapli turniers gronds che Roger Federer u Novak Djokovic (mintgamai 20 Grand slams). Rafael Nadal batta en il final al Russ Daniil Medwedew en tschintg sets cun 2:6, 6:7, 6:4, 6:4, 7:5. Per Nadal èsi dentant pir la segunda giada, ch'el gudogna il Australian Open.
Ashleigh Barty gudogna final da las dunnas
Ashleigh Barty ha gudagnà l'Australian Open a Melbourne. En il final ha l'Australiana gudagnà cunter l'Americana Danielle Collins en dus sets 6:3 e 7:6. Igl è l'emprima giada dapi 44 onns, ch'ina Australiana gudogna il Australian Open.
Igl è la terza giada che Ashleigh Barty ha gudagnà in Grand slam. Il 2019 ha ella gudagnà il French Open a Paris, e l'onn passà a Wimbledon. Per Danielle Collins vegni a bastar – grazia a la participaziun en il final – da vegnir tranter ils Top 10 dal classament mundial da la WTA.
