Siglir tar il cuntegn

Header

cuntegn

Australian Open Virivaris enturn participaziun da Djokovic

Sche Novak Djokovic po far part da l’Australian Open è uss tuttina intschert. Las autoritads localas hajan numnadamain refusà ses visum. Perquai saja el vegnì supplitgà da bandunar anc oz il pajais. Ordavant è il numer 1 dal mund stà bloccà a la plazza aviatica da Melbourne, perquai ch’el na possedia betg ils documents necessaris per entrar en il pajais. Ils advocats dal Serb han fatg recurs cunter la decisiun.

Anc in di avant ha Novak Djokovic annunzià ch’el haja survegnì ina lubientscha speziala. Far part al turnier da Grand Slam dastgan da princip be giugadras e giugaders vaccinads cunter Covid. Tar Djokovic na san ins betg, sch’el è vaccinà u betg.

Reglas valan per tuts

Tenor il primminister Scott Morrison sajan reglas reglas e nagin stettia sur questas reglas. Il team da sport ha reagì cun nunchapientscha e frust.

Entant è er il president serb Aleksander Vucic sa maschadà en la discussiun. L'entir pajais sustegnia Djokovic e vegnia a prender tuttas mesiras necessarias per terminar las schicanas cunter il meglier giugader da tennis sin quest mund.

RTR novitads 06:00

Artitgels legids il pli savens

Scrollar a sanestra Scrollar a dretga