Swiss ski ha dà enconuschent sia selecziun per ils campiunadis mundials da snowboard e da freestyle a Bakuriani en Georgia che cumenzan l'autra dumengia e duran duas emnas.
Tranter las 28 atletas ed atlets èn er quatter Grischuns: quai cun la skiunza da freeski Giulia Tanno e ses dus collegas da team Andri Ragetli e Kim Gubser. Dario Caviezel, il snowbordist alpin, cumpletescha il quartet grischun.