Ils megliers giugaders europeics da ballamaun vegnan il 2028 en Svizra. La Svizra dastga per la segunda giada en l’istorgia organisar il campiunadi europeic dals umens. Quai ha decis oz il congress da la federaziun europeica da ballamaun. L’ultima giada è stà il 2006. Gia il 2024 dastga la Svizra organisar il campiunadi europeic da las dunnas.
Ma betg be en Svizra datti gieus dal campiunadi europeic, mabain er en Spagna e Portugal. En tut ils trais pajais ospitants vegnan dadas las rundas d'eliminaziun. Ils tirniers da la runda principala vegnan ad esser en Spagna e Portugal, il final a Madrid u Barcelona.