Lugano ha puspè cuntanschì il final da la cuppa svizra. En il mezfinal da la mesemna ha il defensur dal titel battì ordaifer Servette cun 5:3 suenter sajettar penaltis. En il final fruntan ils Tessinais lura sin ils Young Boys. En ina partida spectaculara ha YB gudagnà il mardi ordaifer cunter Basilea cun 4:2.
Il final da la 98avla Cuppa svizra è lura ils 4 da zercladur en il Wankdorf a Berna.
Blessads suenter mezfinal YB–Basilea
Bittà sumbriva sin la partidadal mardi han dentant hooligans da l'FCB. Persunas mascradas hajan attatgà e blessà quatter collavuraturs da la firma da segirezza dal stadion suenter la terrada. Trais sajan vegnids blessads grevamain. Quai scriva la Polizia chantunala.