Siglir tar il cuntegn

Header

cuntegn

Ballape da dunnas Sundhage: nova trenadra da la naziunala svizra

La Svedaisa Pia Sundhage daventa nova trenadra da l'echipa naziunala da las dunnas. Quai ha communitgà l'Assoziaziun svizra da ballape. La Svedaisa da 63 onns ha suttascrit in contract per dus onns. Sundhage duai manar la Svizra al campiunadi europeic l'onn 2025. L'anteriura attatgadra ha dapi il 2008 trenà pliras top-naziuns. Tranter auter è Sundhage vegnida duas giadas campiunessa olimpica cun las Americanas. Sco ultim ha ella trenà l'echipa naziunala da las dunnas da la Brasilia.

Sundhage succeda a la Tudestga Inka Grings. L'Associaziun svizra da ballape e Grings eran sa cunvegnidas il november passà da terminar la collavuraziun. Grings aveva trenà las ballapedistas svizras dapi il cumenzament da l'onn 2023. Da 14 partidas aveva l'echipa naziunala da las dunnas gudagnà be in'unica.

audio
Per tadlar: las novitads da las 08:00
ord RTR Audio dals 16.01.2024.
laschar ir. Durada: 5 minutas 1 Secunda.

RTR novitads 07:00

Artitgels legids il pli savens