Fabian Rieder banduna ils Young Boys e mida en l'emprima liga franzosa, tar Stade Rennes. Il giugader central da 21 onns a signà cun Rennes in contract da quatter onns. Tenor rapports da medias survegn YB tranter 12 e 15 milliuns francs.
Cun Fabian Rieder perdan ils Young Boys lur pli impurtant e custaivel giugader. Al campiunadi mundial a Katar ha el dà ses debut en la naziunala svizra.