Il Turitgais – ch'ha gia manà ils Grasshoppers e Basilea a titels da campiun svizzer – ha survegnì in contract per in mez onn. Quai rapporta tranter auter la gasetta tudestga «Bild».
Il club da tradiziun tudestg sa chatta actualmain a la cua da la tabella cun mo quatter puncts or da 13 partidas. Gross duai empruvar d'impedir la relegaziun.
Schalke sez n'ha anc betg confermà l'engaschament da Gross. Previs è ch'el cumenza curt suenter Nadal.