Siglir tar il cuntegn

Header

video
Lugano va per il titel
Or da Sport-Clip dals 15.05.2022.
laschar ir. Durada: 8 minutas 53 Secundas.
cuntegn

Ballape Lugano va per il buccal

Il FC Lugano gudogna per la quarta giada en l'istorgia la cuppa svizra. Ils Tessinais battan en il final il FC Son Gagl cun 4:1.

Zan Celar ed Olivier Custodio avant la pausa, sco er Mattia Bottani e Maren Haile-Selassie en la segunda mesadad han manà il FC Lugano a ses quart titel en l'istorgia dal club. Son Gagl manchenta dentant il segund titel suenter il 1969. Per il club da la Svizra orientala, che n'ha surprendentamain betg pudì persvader durant l'entira partida, ha sulettamain Matej Maglica pudì far igl 1:1 suenter 20 minutas. Gia l'onn passà aveva Son Gagl pers en il final, alura cun 1:3 cunter Lucerna.

Entras la victoria en la cuppa svizra ha Lugano uss ina plazza da qualificaziun per la Conference League. Da la partida en la qualificaziun vegn er ad esser ils Young Boys, sco er il FC Basilea.

RTR novitads 18:00

Artitgels legids il pli savens

Scrollar a sanestra Scrollar a dretga