Manchester City è sa qualifitgà per il final da la Champions League. Suenter in 1 ad 1 a ordaifer han ils Englais battì a chasa Real Madrid cun in cler 4:0.
Bernardo Silva avevà sajettà ils emprims dus gols (23avla e 37avla minuta). Il terz gol va sin il conto da Manuel akanji, emprim ha l'UEFA anc valità quel sco autogol d'Eder Militao da Real. Julian Alvarez ha lura cumplettà en la 90avla minuta.
L'emprima partida tranter City e Real è anc stada pli gulivada, lura èsi stà 1:1 a la fin. En il final ch'è ils 10 da zercladur frunta Manchester City uschia sin Inter Milano.