Ballape - Mario Gavranovic sa retira da la naziunala svizra da ballape

Mario Gavranovic sa retira da la naziunala svizra da ballape. Il Tessinais da 32 onns ha giugà 41 giadas per la naziunala ed ha sajettà 16 gols. Ses pli impurtant gol ha Gavranovic fatg il zercladur 2021 en l'otgavelfinal dal campiunadi europeic encunter la Frantscha. Là ha el sajettà il 3:3 che ha pussibilità a la Svizra la prolungaziun. Pli tard ha la Svizra lura gudagnà la partida suenter sajettar penaltis – tranter auter grazia a Gavranovic che ha tutgà.