Siglir tar il cuntegn

Header

cuntegn

Ballape professiunal GR Puspè ballape professiunal en Grischun – realistic?

Dal 1987 enfin il 1993 ha l'equipa da Cuira dà en la liga naziunala B. Quai èn stads ils temps glorius dal ballape grischun. Actualmain è il ballape professiunal lunsch davent. La meglra equipa Cuira 97 dat en la 2. liga interregiunala.

audio
Ballape grischun – ballape professiunal
ord Actualitad dals 04.10.2021.
laschar ir. Durada: 3 minutas 42 Secundas.

Paul Friberg, Michael Nushöhr e Gabriel Derungs èn trais persunas che han laschà enavos inqual fastiz sin las plazzas da ballape grischunas. A chaschun da la festa da 100 onns federaziun grischuna da ballape (BFV) avain dumandà els tge che stuess esser pussaivel en noss chantun.

  • Paul Friberg (62) è in dals paucs Rumantschs che ha dà ballape en la liga naziunala A. El ha dà 186 gieus per Son Gagl, Wettingen e Lucerna, nua ch'el ha sajettà 52 gols. Emprais l'ABC dal ballape ha el tar la US Danis-Tavanasa.
  • L'anteriur giugader da la Bundesliga Michael Nushöhr (59) è oz schef da sport da la federaziun grischuna da ballape. Dapi onns è el ina da las persunas principalas sch'i va per sviluppar vinavant il ballape en il Grischun. Durant sia carriera ha el dà 45 gieus en la Bundesliga e 179 gieus en la 2. Bundesliga.
  • Il Lumnezian Gabriel Derungs (38) è stà sur onns giugader da Cuira 97 en l'emprima liga. El è er stà plirs onns capitani da l'equipa. Dasperas ha el er dà ballape tar il CB Lumnezia e tar l'US Schluein Glion. Tranter ils experts dal ballape regiunal valeva el durant ses temp activ in zic sco il Thomas Müller rumantsch.

Successiun da las ligas da ballape en Svizra

Avrir la box Serrar la box
  • Super League
  • Challenge League
  • Promotion League
  • 1. liga
  • 2. liga interregiunala
  • 2. liga regiunala
  • 3. liga
  • 4. liga
  • 5. liga

RTR actualitad 11:00

Artitgels legids il pli savens