Siglir tar il cuntegn

Header

cuntegn

Ballape regiunal CB Schlarigna va cun in nov trenader en la runda da primavaira

Ersel Sertkan turna en Engiadina e surpiglia l’emprima equipa dal CB Schlarigna. Sco giugader activ era Sertkan part da l’equipa da San Galla, ni er da Cuira 97.

Durant ils mais d’enviern hai dà ina roschada tar il Club da ballape da Schlarigna. Ersel Sertkan turna per motivs professiunals en Engiadina e surpiglia il post da trenader tar il CB Schlarigna, che gioga en quarta liga. Il trenader da fin da qua, Carlos Rodriguez, turna puspè tar ils juniors. Gia ils onns 2012 fin 2014 era Ersel Sertkan trenader dal CB Schlarigna. El turna uschia puspè en ses vegl post d’uffizi.

audio
Ballape regiunal: CB Schlarigna cun in nov trenader
aus Sport ed actualitad vom 02.04.2022.
abspielen. Laufzeit 3 minutas 1 Sekunde.

Emprim gieu encunter il leader

L’emprima partida da la runda da primavaira dat il CB Schlarigna gest encunter il leader, FC Domat. Per il mument è Schlarigna sin plazza sis da la tabella, quai cun tschintg puncts damain ch'il leader Domat. Il gieu è pia in gieu che decida gia al principi da la runda da primavaira sche Schlarigna po tegnair cun cun la meglra equipa da la quarta liga, ni betg. Tant pli impurtant è il prim gieu, era sch'igl è suenter la pausa d'enviern difficil da savair en tge constituziun ch'il team è.

In champiunadi quasi «normal»

Suenter dus onns datti uss puspè ina runda da primavaira en quarta liga. Ils champiunadis da las duas davosas stagiuns eran a fin suenter be la mesadad da las partidas. Alura n'aveva quai betg dà la runda da primavaira. Uschia dentant han tut las equipas puspè il congual cun la concurrenza da primavaira e la meglra equipa da l’entir champiunadi sa alura far il pass ensi en terza liga. Las ultimas stagiuns era il CB Schlarigna adina datiers a la promoziun, tanschì n'ha quai dentant betg.

RTR Sport ed Actualitad 17:00

Artitgels legids il pli savens

Scrollar a sanestra Scrollar a dretga