En in gieu da chasa perda Cuira 97 la sonda cun 0:1 cunter il club turitgais Seuzach. Il sulet gol ha sajettà Caner Türkmen en la 52avla minuta. Cuira è vinavant sin plazza 11, gist sur il stritg – Seuzach ha dentant scursanì il retard sin ils Grischuns sin anc 3 puncts.
Resultats 2. liga interregiunala
En l'emprima partida da la stagiun gioga l'US Schluein Glion a chasa cunter il FC Mels. Las duas equipas han giugà pari cun in 1:1. Schluein Glion sa chatta mumentan sin la davosa plazza da la tabella cun 6 puncts. Ils da Mels èn a la testa da la tabella cun 24 puncts.
Il club da ballape da Domat ha battì Herisau cun 3:2.
Resultats 2. liga
En l'emprim gieu da la primavaira perda il CB Surses ordaifer cunter Valposchiavo Calcio cun 1:2. Tusaun-Cazas e Trun/Rabius han partì ils puncts tar lur emprim gieu – ils dus clubs giogan pari 2:2. Valposchiavo Calcio è sin plazza 3 da la tabella, cun 23 puncts – Tusaun-Cazas e Trun/Rabius suondan gist cun 19 respectiv 18 puncts.
