Siglir tar il cuntegn

Header

video
CB Surses gioga 0:0 cunter CB Lumnezia
Or da RTR Social dals 13.06.2021.
laschar ir
cuntegn

Ballape regiunal Il CB Surses sa vinavant sperar da far il pass en 3. liga

Il CB Surses gioga pari 0:0 a chasa cunter Lumnezia e sto uss sperar ch'ils Lumnezians dattan giu puncts en lur ultimas duas partidas. La partida è stada in si e giu, omaduas equipas avessan gì bunas schanzas da far in gol. Cunzunt a la fin da la partida avessan omadus teams stuì far almain in gol – quai n'è dentant reussì a negin, er grazia ad ina ferma prestaziun dals dus golis. Uschia è la partida ida senza gols a la fin.

audio
Intervista cun capitani dal CB Surses Gianluca Augustin
02:37 min, RTR Audio dals 12.06.2021.
laschar ir. Durada: 02:37 minutas.

Il CB Surses resta vinavant a la testa da la tabella en quarta liga e dastga er vinavant sperar sin il pass en la terza liga – dovra dentant il sustegn da Schlarigna e l'US Schluein. Ils Lumnezians ston gudagnar omaduas partidas per far il pass en terza liga. Per il CB Surses è la stagiun a fin.

Il squitsch è uss tar l'equipa da Lumnezia. Els ston gudagnar ils dus ultims gieus.
Autur: Gianluca Augustin capitani dal CB Surses

RTR novitads 20:00

Artitgels legids il pli savens

Scrollar a sanestra Scrollar a dretga