Per il club da ballape Cuira 97 hai dà ina nauscha terrada en la 2. liga interregiunala. Gist cun 1:5 perda il club da la chapitala grischuna cunter Wil. Uschia è il FC Wil 1900 e ussa sin plaz 3 da la tabella. Cuira 97 resta sin plaz 11, gist anc sur il stritg, trais puncts avant il FC Seuzach.
Resultats 2. liga interregiunala
En la gruppa 1 da la segunda liga n'ha nagin club grischun giugà questa fin d'emna. Las partidas dal US Schluein Glion encunter il FC Herisau, e quella da Domat encunter il FC Abtwil-Engelburg èn vegnidas spustadas. La suletta partida giugada na mida nagut vi da la tabella: Cun la victoria dad 1:0 encunter il FC Winkeln bajegia il manader da la tabella FC Mels ora ses avantatg.
Resultats 2. liga
En l'emprima gruppa da la 3. liga gieu dal FC Sargans encunter il CB Surses vegnì spustà.
Tar ils ulteriurs gieus èsi gartegià al CB Trun Rabius da gudagnar cun 2:1 cunter Valposchiavo, ed uschia vegnir pli datiers en la tabella als Puschlavins. Trun Rabius è ussa sin plaz 4 (21 puncts) e Valposchiavo sin plaz 3 (23 pucnts).
Il CB Tusaun Cazas ha cuntanschì il pari cunter il CB Lumnezia (2:2). Uschia è Tusaun Cazas sin plaz 5 da la tabella (20 puncts) ed il CB Lumnezia ha la laterna cotschna cun 2 puncts.
Da quintar èsi stà ch'il leader da la tabella FC Eschenbach gudognia cunter il FC Landquart (plaz 7 en la tabella). E quai è era capità cun 7:3.
