Siglir tar il cuntegn

Header

cuntegn

Ballape regiunal Terrada per Cuira 97 – victorias per Surses e Trun

En la segunda liga interregiunala ha Cuira 97 pers la partida a chasa cunter Kreuzlingen cun 0:2. Quai è stà la segunda partida da la stagiun. L'emprima partida ha Cuira 97 gudagnà a chasa cunter Amriswill. La proxima partida dat Cuira 97 sonda ils 4 da settember, ordaifer cunter l'FC Seuzach.

Schleppa per US Schluein/Glion

En la 2. liga regiunala perda il US Schluein/Glion gist cun 1:7 cunter il FC Abtwil-Engelburg. Suenter duas partidas sa chattan ils Sursilvans cun 1 punct sin il davos plaz en la tabella.

Er ina terrada hai dà per la squadra da Domat. Ils da Domat perdan ordaifer cunter Dardania Son Gagl cun 1:5.

Emprima victoria per Surses e Trun

L'emprima victoria da la stagiun hai percunter dà en terza liga per il CB Surses. Ils da Surses battan la segunda equipa dal FC Weesen cun 4:0. Quai er grazia ad in hatrick perfetg da Nico Demarmels tranter la 10 e 30avla minuta.

Er il CB Trun/Rabius dastga festivar l'emprima victoria da la stagiun. La squadra da Donat Albin batta il FC Sargans cun 3:0. Gia suenter 12 minutas è la squadra da Trun ida en avantatg cun 1:0 entras in gol da Daniel Pfister. Ina dubletta da Clau Berther en la 27 e 51avla minuta ha alura definitiv decids la partida en favur dal CB Trun/Rabius.

L'emprima terrada en l'emprima partida. Il CB Lumnezia perda a chasa cunter Valposchiavo Calcio cun 1:0. Igl è ina pitra terrada. Ils Lumnezians èn bain ids en avantatg cun 1:0, han alura tegnì il 1:1 fin la 87avla minuta e silsuenter survegnì dus gols entaifer duas minutas.

RTR novitads 20:00

Artitgels legids il pli savens