L'equipa da Surses a pers cunter il FC Glaruna cun 0:2 ed ha uschia suenter trais gieus vinavant 3 puncts. Ed era il CB Lumnezia, ch'è stà oz per la segunda giada en acziun en questa stagiun da la terza liga regiunala, sto magunar ina terrada da 0:3 cunter Sargans.
Als da Trun-Rabius percunter èsi gartegià da gudagnar ordaifer cunter il davos da la tabella da la terza liga, il FC Weesen 2, cun 2:0. Ils Sursilvans mantegnan uschia il contact cun ils clubs a la testa da la tabella.
3. liga
Las partidas da sonda
En la terza runda da campiunadi ha Cuira 97 gudagnà cunter Seuzach cun 5:0. Il club da la segunda liga interregiunala è actualmain sin il 6avel plaz da la tabella.
2. liga interregiunala
En la segunda liga regiunala ha Schluein-Glion dà pari encunter KF Dardania Son Gagl, quai cun 1:1. En la tabella è il club il mument sin plazza 9.