Per Taulant Xhaka è la stagiun da la Super-League a fin. Durant il gieu da dumengia passada, cunter il club da Turitg, è el stà violent cunter 2 giugadurs ed è perquai vegnì suspendì per ils proxims 8 gieus, quai ha decis la cumissiun disciplinara.
Xhaka era sa perstgisà en las raits socialas ed ha declerà ch'avant quests acts da violenza saja sia famiglia vegnida permalada.