L’anteriur attatgader da Bayern München e giugader da la squadra naziunala tudestga Gerd Müller saja mort dumengia a bun’ura cun 75 onns. Quai ha communitgà Bayern München. Müller pativa da la malsogna d'Alzheimer e viva dapli onns en ina chasa da tgira. El è vegnì tgirà là fin la fin.
Sia carriera
Gerd Müller ha cumenzà a dar per Bayern München il 1964. Gerd Müller ha il 1971/72 en ina stagiun da la Bundesliga fatg incredibels 40 gols. Pir la davosa stagiun ha Robert Lewandowski per Bayern München sajettà 41 gols ed uschia battì quest record. Cun la squadra naziunala è el vegnì campiun europeic il 1972 e il 1974 campiun mundial. La bilantscha da Müller da 365 golas en 427 gieus da la Bundesliga, in dumber da gols che anc nagin ha superà.