Il program da las cursas da skis en la China vegn gia l'emprim di en retard. La cursa rapida dals umens han ils organisaturs stuì dir giu la dumengia. La cursa avess duì cumenzar las 04:00 temp svizzer. La partenza è lura vegnida spustada trais giadas per in'ura. La situaziun da vent n'è dentant betg sa meglierada sco spetgà.
Il nov termin per la cursa rapida olimpica è glindesdi bun'ura las 05:00 temp svizzer.
