Siglir tar il cuntegn

Header

audio
A Nevin Galmarini n'èsi betg ì sco giavischà a Peking.
Or da Actualitad dals 08.02.2022.
abspielen. Laufzeit 2 minutas 23 Sekunden.
cuntegn

Beijing 2022 Galmarini gia out en la qualificaziun

Per il defensur dal titel en il snowboard alpin, Nevin Galmarini, èn ils gieus olimpics gia a fin. L’Engiadinais è crudà ora gia en la qualificaziun dal slalom parallel, quai sco be 21avel. Suenter argient a Sotschi ed aur a Pyeongchang na datti uschia nagina terza medaglia olimpica.

Per Nevin Galmarini ch’è vegnì fit il pli davos mument sin quests gieus olimpics èsi in’ulteriura frida en questa stagiun. L’emprim ha el patì da problems cun il dies ed il schaner anc stà infectà cun il coronavirus ed uschia er manchentà la cursa da la cuppa mundiala da chasa a Scuol. En la davosa cursa avant ils gieus olimpics, pia l'emprova generala per quest punct culminant a Peking, aveva Galmarini dentant manchentà ses emprim podest en questa stagiun be per pauc sco quart.

video
Nevin Galmarini: «I fa mal d'esser crudà ora gia uss.»
Or da Beijing 2022 Clips dals 08.02.2022.
abspielen. Laufzeit 2 minutas 35 Sekunden.

Tuttina in Grischun en l'otgavelfinal

Il sulet svizzer ch’ha dumagnà la qualificaziun è Dario Caviezel da Cuira sco 14avel. En l'otgavelfinal èsi lura stà finì er per el. El ha pers cunter l'Austriac Andreas Prommegger.

A fin è la cursa stada en la qualificaziun per Gian Casanova oriund da Walenstadt ch’ha stuì sa cuntentar be cun il 28avel plaz.

Zogg e Kummer han era betg gì success

Er per las dunnas èsi stà a fin en ils otgavelfinals. Julie Zogg ha mo gì otg tschientavels retard sin la Tudestga Langenhorst. Patrizia Kummer ha stuì ceder cunter l'Austriaca Dujmovits.

Ladina Jenny e Jessica Keisser han manchentà la qualificaziun per ils finals.

Ord l'archiv:

Il 2018 a Pyeongchang, ha Galmarini fatg la medaglia d'aur.

video
Nevin Galmarini gudogna aur
Or da Actualitad video dals 24.02.2018.
abspielen. Laufzeit 2 minutas 14 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga