Siglir tar il cuntegn

Header

audio
Bianca Gisler avant sia premiera olimpica a Peking
Or da Actualitad dals 04.02.2022.
laschar ir. Durada: 4 minutas 12 Secundas.
cuntegn

Beijing 2022 Il siemi da Bianca Gisler va en vigur

Cun mo 18 onns dastga la giuvna da Scuol gia sa participar als gieus olimpics. A Peking va la snowboardista da freestyle a la partenza en las disciplinas da slopestlye e Big Air.

In 8avel plaz mez schaner al Laax Open ha fatg vegnì realitad il siemi da Bianca Gisler. In zic ord il nagut hai uschia tuttina anc funcziunà cun la qualificaziun per ils gieus olimpics a Peking. Uschia discurra la giuvna da 18 onns era dad in siemi ch'è ì en vigur. Tut è anc in zic surreal.

En acziun en duas disciplinas

Tar sia premiera olimpica dastga l'atleta da Scuol gist ir a la partenza en duas disciplinas. Numnadamain en la disciplina da slopestyle sco er en il Big Air. Spezialmain la disciplina da slopestyle vegnia ina pulita sfida, di Bianca Gisler. I saja in percurs fitg grev cun sigls pretensius.

Bianca Gisler
Legenda: Als gieus olimpics da giuvenils 2020 a Losanna ha Bianca Gisler mussà ses grond potenzial. Ella è vegnida terza en la disciplina da slopestlye. Keystone

E co guardi or cun las finamiras?

Ina finamira concreta pertutgant la rangaziun n'ha la giuvna snowboardista betg. Ella saja gia fitg cuntenta ch'ella saja als gieus olimpics. I possia dentant capitar tut en las concurrenzas, manegia Bianca Gisler.

Jau fetsch bler squitsch a memezza cunquai che nus essan mo duas atletas che han pudì ir als gieus olimpics.
Autur: Bianca Gisler snowboardista da freestyle

Ils trenaders emprovan dentant da prender davent il squitsch da l'Engiadinaisa. Ella duaja simplamain empruvar il meglier e far «ses ding» .

Bianca Gisler en acziun

Avrir la box Serrar la box
  • 05-02-2022
    Sonda a las 03:45 temp svizzer ha lieu la qualificaziun en la disciplina da slopestyle.
  • Evtl. 06-02-2022
    Il final da la disciplina da slopestlye fiss dumengia a las 02:30 temp svizzer.
  • 14-02-2022
    La qualificaziun en il Big Air ha lieu il glindesdi a las 02:30 temp svizzer
  • Evtl. 15-02-2022
    Il final en il Big Air ha lieu il mardi a las 02:30 temp svizzer.

RTR actualitad 07:00

Artitgels legids il pli savens

Scrollar a sanestra Scrollar a dretga