Siglir tar il cuntegn

Header

audio
Ils 24avels gieus olimpics d'enviern èn averts
Or da Actualitad dals 04.02.2022.
laschar ir. Durada: 2 minutas 43 Secundas.
cuntegn

Beijing 2022 Ils gieus olimpics èn averts – Il fieu olimpic arda

Ils 24avels gieus olimpics d'enviern èn averts. Suenter ina ceremonia d'avertura da duas uras ha il president da la China Xi Jinping laschà cumenzar ils probabel pli dispitaivels gieus en l'istorgia olimpica.

A Peking èn dapi las 14:51 temp svizzer ils 24avels gieus olimpics d'enviern averts. Il pled d'avertura ha il president da la China XI Jinping tegni. Envidà il fieu olimpic han la curridra da passlung Dinigeer Yilamujiang e l'atlet da cumbinaziun nordica Zhao Jiawen.

One World – One Family

Durant la ceremonia d'avertura cun ina show plain colurs ed il motto «One World - One Family» ha la China empruvà da sa preschentà sco pajas modern, avert e paschaivel dentant era nunimpressiunà da la critica envers la violaziun dals dretgs umans.

video
Impressiuns da la ceremonia d'avertura
Or da Beijing 2022 Clips dals 04.02.2022.
laschar ir. Durada: 3 minutas 27 Secundas.

Il president dal Comité olimpic internaziunal IOC, Thomas Bach, ha engrazià a la China da manar tras ils gieus, malagrad la pandemia. La China saja uss era in pajais da sport d'enviern ed il pievel chinais possia vesair e sentir era quest entusiassem. Il president dal comité d'organisaziun, Cai Qi, ha drizzà ses pled ad atletas ed atlets ed era al president da la China. Ils gieus olimpics duaian far ina punt tranter las culturas ed el appelescha a la solidaritad durant ils gieus en temp da la pandemia.

Uss daventa voss siemi olimpic realitad
Autur: Thomas Bach President da l'IOC sa drizza ad atletas ed atlets

La delegaziun svizra è vegnida menada da la skiunza Wendy Holdener e dal hockeyan Andres Ambühl en il stadion naziunal. Els han gì l'onur da purtar la bandiera svizra.

video
La delegaziun svizra arriva en il stadion olimpic
Or da Beijing 2022 Clips dals 04.02.2022.
laschar ir. Durada: 59 Secundas.

Durant duas emnas vegn cumbattì a Peking e regiun per medaglias olimpicas en 109 differentas occurrenzas. A la partenza van bunamain 3’000 atletas ed atlets da l’entir mund, tranter quels er 168 svizzers.

audio
A Peking è tut pront per ils gieus olimpics
ord Actualitad dals 04.02.2022.
laschar ir. Durada: 8 minutas 27 Secundas.

Actualitad 16:00

Artitgels legids il pli savens

Scrollar a sanestra Scrollar a dretga