Siglir tar il cuntegn

Header

Jonas Baumann
Legenda: Per Jonas Baumann èsi il terzs e pli probabel ils davos gieus olimpics da la carriera. Keystone
cuntegn

Beijing 2022 Jonas Baumann: «Prioritad ha la cursa da staffetta»

Emprima cursa – emprima schanza per Jonas Baumann a ses terzs gieus olimpics da la carriera. Il passlunghist da Lon parta la dumengia a las 08:00 uras al skiatlon, la cursa sur 15 kilometers stil classic e 15 kilometers stil liber.

Avant quatter onns a Pyeongchang era Baumann vegnì 28avel en quella disciplina. Quest onn duai in meglier resultat esser pussibel, er perquai ch'il currider da 31 onns è en furma ed ha mussà enfin oz ina stupenta stagiun. Ses punct culminant saja dentant la cursa da staffetta. Cun ses collegas d’equipa vul el cumbatter là per ina medaglia. Davos la Norvegia e la Russia saja bler pussibel en il cumbat per la medaglia da bronz, uschia Baumann.

audio
Jonas Baumann avant sia emprima cursa
ord Actualitad dals 05.02.2022.
laschar ir. Durada: 4 minutas 49 Secundas.

Skiatlon cun Jason Rüesch però senza Dario Cologna

Sper Jonas Baumann va anc in segund currider grischun a la partenza dal skiatlon, Jason Rüesch da Tavau. Avant quatter onns aveva el manchentà ils gieus olimpics a Pyeongchang pervia da surtrenament. Uschia vegni a Peking tar ina premiera per Jason Rüesch che vala dapi daditg sco gronda speranza svizra suenter la carriera da Dario Cologna.

Il Jauer, campiun olimpic dal skiatlon il 2014 a Sotschi, desista percunter sin la cursa sur 30 kilometers a Peking. El sa concentrescha sin la cursa da 15 kilometers en il stil classic, la cursa da staffetta e principalmain sin la cursa da 50 kilometers en il stil liber a la fin dals gieus olimpics.

Il terz currider svizzer al skiatlon è Candide Pralong. Il Vallesan era gia stà a la partenza als davos gieus olimpics il 2018 a Pyeongchang en la Corea dal Sid.

RTR actualitad 17:00

Artitgels legids il pli savens

Scrollar a sanestra Scrollar a dretga