- Kilian Wenger gudogna la festa da lutga sin il Brünig 2021.
- Il retg da lutga dal 2010 ha gudagnà l'ultim cumbat suenter be paucas secundas cunter Ruedi Roschi.
- Per Wenger è quai la segunda victoria sin il Brünig suenter il 2014.
Igl è stà in duel inegual, la lutga finala dal Brünig. Kilian Wenger che ha gia festivà 21 victorias da festas ha stuì sa duelar cun ses ami da giuventetgna Ruedi Roschi. Lez ha anc mai gudagnà ina festa. Uschè clera la situaziun da partenza uschè svelta era il cumbat a fin. Suenter be paucas secundas era Roschi gia en dies. Wenger ha uschia gudagnà per la segunda giada la festa da lutga da Brünig.
Bernais domineschan
Gia avant la lutga finala eri cler ch'il sa mesirar tranter ils Bernais ed ils Svizzers centrals giaja a favur da Berna. Els han dominà la festa. Cun Joel Wicki e Pirmin Reichmuth han dentant er mancà al ISV gist dus dals pli ferms lutgaders.