Lara Gut-Behrami n'è betg da franar. La skiunza tessinaisa ha gudagnà a Garmisch Partenkirchen er il segund Super-G. Per ella è quai gia il quart en roda e la 30avla victoria en la cuppa mundiala.
Gut-Behrami ha gudagnà cun in avantatg da 28 tschientavels sin la Slovaca Petra Vlhova. Terza è l'Austriaca Tamara Tippler e segund meglra Svizra, Corinne Suter sin plazza tschintg.
La cula da cristagl pitschna dal Super-G va tant sco segir a Gut-Behrami ed en il classament general è la Svizra anc 42 puncts davos Petra Vlhova.
audio
Lara Gut-Behrami è loscha da sia prestaziun e sa legra sin ina pausa
ord RTR Audio dals 01.02.2021.
laschar ir. Durada: 18 Secundas.