Siglir tar il cuntegn

Header

cuntegn

Biatlon a Nove Mesto Niklas Hartweg cuntanschì il 12avel plaz en la persecuziun

En la cuppa mundiala da biatlon a Nove Mesto en la Tschechia ha il svizzer Niklas Hartweg cuntanschì il 12avel plaz en la cursa da persecuziun da 12,5 kilometers. Suenter sajettar per terra era l'um da 23 onns anc sin plaz 3, ha dentant cun totalmain trais sbagls da sajettar sin pe pers terrain.

Gudagnà ha il Norvegiais Johannes Bö, il segund plaz ha fatg ses frar Tarjei Bö ed il terz plaz è ì al Svedais Martin Ponsiluoma.

video
Hartweg perda terrain durant sajettar sin pe
Or da Sport-Clip dals 04.03.2023.
laschar ir. Durada: 41 Secundas.

Norvegia triumfescha era tar las dunnas

Era tar las dunnas ha cun Marte Röiseland la Norvegia gudagnà en la cursa da persecuziun da 10 kilometers, suandada d'in ulteriura norvegiaisa Ingrid Tandrevold. Il terz plaz ha fatg Anaïs Chevalier-Bouchet da la Frantscha.

Per las svizras n'hai dà nagin top-classament:

  • 29. Amy Baserga
  • 31. Lena Häcki-Gross
  • 32. Elisa Gasparin
  • 44. Aita Gasparin

RTR novitads 16:00

Artitgels legids il pli savens