Er las biatletas trumpeschan al cumenzament da la stagiun ad Östersund. Sulettamain Selina Gasparin va per puncts. Sur 15 kilometers vegn l’Engiadinaisa 34avla. Fin l’ultim post da sajettar ha ella anc gì bunas schanzas per in plaz tranter la Top 10 – là ha ella dentant fatg dus sbagls ed en consequenza stuì far duas rundas da chasti.
Segund meglra Svizra vegn la Turitgaisa Amy Baserga sco 49avla. Quai è per la giuvna da 21 onns in success remartgabel.
Las ulteriuras Svizras: Lena Häcki sin plaz 50. Ed era Elisa (54avla) ed Aita Gasparin (68avla) n'èn betg vegnidas sin turas.
Plaz da podest per Marketa Davidova
La victoria en la Svezia va a la Tscheca Marketa Davidova. Ella ha tutgà tut las 20 schibas ed ha uschia obtegnì nagina solia minuta da chastì. Sin plaz dus vegn Lisa Hauser da l'Austria, ella ha pers sin la vitura 1:17 minutas. Davos ella, sin plaz 3, è Denise Herrmann da la Germania.