Cun gartegiar 19 da 20 sajets era Sebastian Stalder sin plazza dus suenter il davos tir, da la cursa da massa sur 15 kilometers. Fin a l’arrivada ha el lura anc pers trais plazs, ed è daventà 5avel, ses meglier resultat d'enfin uss en la cuppa mundiala.
Il segund Svizzer a la partenza Niklas Hartweg ha fatg plaz 23, cun dus sbagls da sajettar. Gudagnà ha il Norvegiais Vetle Christiansen, suandà da ses cumpatriot Johannes Dale ed il Franzos Eric Perrot.
Nagina bravura da las Svizras
Tar la cursa da las dunnas sur 12,5 kilometers èn duas Svizras curridas en las top 20. Aita Gasparin ha sajettà in sbagl e vegnida 19avla, Lena Häcki-Gross ha manchentà trais giadas la mira ed è vegnida 20avla. Elisa Gasparin ha fatg rang 25.
Victura da la cursa da massa è daventada la Taliana Dorothea Wierer, avant las Franzosas Lou Jeanmonnot e Julia Simon.