En la cursa cun partenza da massa ad Oslo ha la Svizra Lena Häcki-Gross gudagnà surprendentamain. Quai è sia segunda victoria en questa stagiun da biatlon. Malgrà che Häcki-Gross ha duas giadas betg tutgà la schiba hai tanschì per la victoria. Il podest cumpletteschan las duas Franzosas Julia Simon e Lou Jeanmonnot. La victoria da l'atleta da Engelberg ei stada clera cun in avantatg da 16,8 secundas. En l'ultim sajettar ha ella mantegnì la gnerva e tutgà tut las schibas, fertant che sias concurrentas han laschà plimas.
Segund megliera Svizra è vegnida Amy Baserga sco 22avla.
Lägreid gudogna
Tar ils umens ha il Norvegiais Sturla Holm Lägreid gudagnà. Cun be tutgar ina giada dasperas ha el pudì far la differenza tranter el e ses concurrents. Sin segunda plazza è sa rangà il Tudestg Benedikt Doll che terminescha sia carriera a la fin da la stagiun. Terz è daventà il Svedais Jesper Nelin – per el è quai stà ina premiera sin il podest.
Il sulet Svizzer a partenza Sebastian Stadler n'ha betg gì in bun di. El è vegnì sco ultim en l'arrivada e sa classà sin plazza 30.
