Biatlon - Aita Gasparin sco meglra Svizra – Öberg gudogna

Quatter biatletas svizras curran en las top 20 tar il sprint da la cuppa mundiala a Pokljuka en la Slovenia. Senza in sulet sbagl da sajettar daventan Aita Gasparin 12avla ed Amy Baserga 14avla. Lena Häcki-Gross fa dus sbagl e vegn sin il rang 17, Elisa Gasparin vegn cun in sbagl sin rang 18. Sco 32avla sa qualifitgescha er anc Lea Meier per la cursa da persecuziun da sonda. Victura dal sprint da gievgia daventa la Svedaisa Elvira Öberg.