Aur per la Svizra als campiunadis mundials da biatlon dals juniors. La turitgaisa Amy Baserga è ida per aur en il sprint sur 7,5 kilometers a Obertilliach en l’Austria. Igl è gia la tschintgavla giada en sia carriera che Baserga ha fatg il pass sin il podest tar campiunadis mundials da giuvenils e juniors.
Cun Lea Meier ha in’ulteriura biatleta Svizra pudì persvader oz ad Obertilliach. La Grischuna è vegnida tschintgavla.
Tar ils umens è Niklas Hartweg vegnì sco meglier svizzer 11avel.