Siglir tar il cuntegn

Header

video
Hartweg vegn segund
Or da Sport-Clip dals 29.11.2022.
laschar ir. Durada: 26 Secundas.
cuntegn

Biatlon Emprim podest en la cuppa mundiala per Niklas Hartweg

Sensaziun en il biatlon dals umens a Kontiolahti en Finlanda. Tar la cursa da la cuppa mundiala sur 20 kilometers è il Svizzer Niklas Hartweg ì sco segund sin il podest. Gudagnà la cursa ha il Svedais Martin Ponsiluoma. Dasper il figl da l’iniziant e donatur dal nov implant da biatlon a Lai è restà be anc il terz, il Tudestg David Zobel, senza sbagls da sajettar. Ponsiluoma ha pudì cumpensar ses culp fallà sin la loipa.

Hartweg è stà campiun mundial dals juniors, en la cuppa mundiala ha el cuntanschì ses meglier resultat da fin uss durant l’enviern passà cun rang 17. Quai medemamain en ina cursa singula ad Antholz en il Tirol dal Sid. Cun Sebastian Stalder sin plazza 19 è in ulteriur Svizzer sa classà en ils puncts.

RTR novitads 16:00

Artitgels legids il pli savens

Scrollar a sanestra Scrollar a dretga