Lena Häcki è vegnida 7avla en il sprint sur 7,5 km ad Östersund en Svezia.
Quai è ses meglier resultat da la stagiun da la cuppa mundiala.
Per cuntanscher ina plazza da podest han mancà be 12 secundas a la biatleta da la Sursilvania.
Cun Aita Gasparin (39), Irene Cadurisch (47) ed Elisa Gasparin (60) èn trais ulteriuras Svizras sa qualifitgadas per la cursa da persecuziun da damaun. Be cnap manchentà la qualificaziun ha Selina Gasparin ch'è vegnida cun 4 sbagls da tir anc 61avla.
Baserga emprima giada ad ina cuppa mundiala
Per l'emprima giada ha Amy Baserga prendì part ad ina cuppa mundiala. Ella è partida sco 100avla. L'emprima runda ha ella sajettà senza sbagls. Suenter ha ella stuì far trais rundas supplementaras. Ella ha lura finì la cursa sco 83avla.
