Tar la cursa da persecuziun da la cuppa mundiala, sur 12,5 kilometers a Hochfilzen è il biatlet svizzer Niklas Hartweg sa megliera davent da la plazza 22 sin plazza 5. El ha fatg mo 1 sbagl da sajettar. Il Norvegiais Johannes Thingnes Bö ha gudagnà la cursa da persecuziun avant ses cumpatriot Sturla Lägreid. Terz è il Franzos Emilien Jacquelin.
Las biatletas svizras han mussà en la staffetta ina prestaziun solida, ed èn vegnidas 6avlas. Lena Häcki-Gross ch'è ida sco davosa a la partenza ha anc fatg bun ina plazza. Ina premiera è la staffetta stada per la Grischuna Lea Meier che ha gì bunas gnervas. Ella ha pudì mantegnair la 7avla plazza che la Svizra aveva suenter che las soras Elisa ed Aita Gasparin èn stadas en acziun. Gudagnà la staffetta da biatlon a Hochfilzen ha il quartet franzos.
