Il Svizzer Sebastian Stalder ha dumagnà per la segunda giada il pass en ils top 10 en ina cursa da la cuppa mundiala. Tar la cursa sur 15 km cun partenza en massa a Ruhpolding è Stalder vegnì 9avel. Il segund Svizzer, Niklas Hartweg, è vegnì 17avel. Gudagnà la cursa ha il Norvegiais Johannes Thignes Bö.
Tar las dunnas è Lena Häcki-Gross stada la pli svelta Svizra. Ella è vegnida 19avla en la cursa sur 12,5 km cun partenza en massa. Las soras Aita ed Elisa Gasparin èn 22 e 25avla. Gudagnà la cursa ha la Franzosa Julia Simon.
Resultats da la sonda
Amy Baserga, Aita Gasparin, Elisa Gasparin e Lena Häcki-Gross han fatg il quart plaz a la cuppa mundiala a Ruhpolding. Emprimas èn las dunnas da la Norvegia vegnidas, ellas èn stadas 36 secundas pli sveltas.
Avant la davosa sajettada er'anc in plaz en las top 3 cuntanschibel, lura ha Häcki-Gross dentant stuì chargiar suenter trais giadas.
Gia l'emna proxima spetga la proxima cursa ad Antholz.
