Las medaglias
- Norvegia
- Frantscha
- Russia
La staffetta da biatlon maschadada svizra ha gudagnà in diplom olimpic cun far plaz 8 en la cursa sur quatter giadas 6 kilometers. Ids a la partenza per la Svizra èn Amy Baserga, Lena Häcki, Benjamin Weger e Sebastian Stalder. Els quatter pon esser cuntents cun lur prestaziun. Suenter che Stadler ha sajettà perfetg tar ses ultim curs, era la Svizra perfin in mument sin plazza 5.
L'entschatta n'è dentant betg gartegiada als Svizzers. Baserga ha sajettà gist quatter sbagls. Sin la segunda runda è ella dentant stada in bun tant meglra ed ha surdà a Häcki sin plazza 6. Lezza ha lura anc pers duas plazzas.
Favurit ha gudagnà
Gudagnà la cursa ha il favurit Norvegia avant la Frantscha e la Russia. Per ils Norvegiais èsi il segund triumf suenter esser stà la terza giada da la partida en questa disciplina. Avant quatter onns a Pyeongchang è anc la Frantscha stada pli sperta ch'ils Scandinavs.