Ils Svizzers:
- 14. Andri Ragettli
- 17. Fabian Bösch
- 23. Kim Gubser
- 25. Colin Wili
Andri Ragettli manchenta il final sco 14avel gist per duas plazzas respectiv pervi da 2,25 puncts. Bösch è sa classà sco 17avel. Kim Gubser n'han gì naginas schanzas suenter ch'els èn crudads.
Ragettli, il Grischun che vala sco favurit per ina medaglia d'aur en il slopestyle è turnà pir il schaner dad ina blessura greva vi dal schanugl. El aveva cumenzà cun persvasiun, n'ha dentant betg pudì far avunda puncts en il segund sigl ed è crudà en il terz. Dals trais curs, han ils megliers dus dumbrà. Cleramain il meglier en la qualificaziun è stà il Norvegiais Birk Ruud.
En il slopestyle, l'entschatta da l'emna proxima, pudessan las schanzas dals Svizzers lura esser meglras. Cun in grounding cumplet dals Svizzers sin la schanza da Big Air, n'avevan ins dentant betg quintà.