cuntegn
Bilantscha 2022
-
Marc Gianola è fitg cuntent cun la Cuppa Spengler
Per il schef dal comité d'organisaziun è il pli bel che mintgin è positiv envers l'occurrenza. Suenter dus onns pausa pervia da la pandemia è il turnier da tradiziun 2022 stà in grond success.
Blers aspectaturs, buna atmosfera en il stadion, l'ambient è bel, la tenda cun ils giuvens ha funcziunà fitg bain. Igl haja dà fitg buns feedbacks, di Marc Gianola, il schef dal comité d'organisaziun. In punct culminant n'ha el betg. Che tuts sajan positivs vers l'occurrenza è per el il pli impurtant. Suenter dus onns pausa pervia da la pandemia saja stà fitg bel da puspè pudair organisar questa festa da hockey.
Igl é il meglier turnier ch'jau hai organisà fin uss.
Set gieus èn stads vendì ora. En tut po Gianola inditgar in'occupaziun dal stadion da 97%. Quai è in fitg aut dumber, i vegn grev da megliurar quai. Ma tuttina dettia adina anc detagls ch'ins possia megliurar.
Plazzas fixas na datti betg
Ambri-Piotta ha mussà ina fitg buna prestaziun, ma in plaz fix al turnier na vesa Marc Gianola betg. Las squadras n'han betg plazzas fixas, ins sto adina guardar tgi che gudogna e tgi ch'ha plaschair vi dad ina participaziun al turnier.
Program e resultads da la Cuppa Spengler 2022
Avrir la box
Serrar la box
I dat duas gruppas
- Gruppa Torriani: HC Ambri Piotta, IFK Helsinki, Örebro
- Gruppa Cattini: HC Tavau, Team Canada, Sparta Prag
Ils victurs da mintga gruppa sa qualifitgeschan per il mezfinal. Ils auters dus duain cumbatter en il quartfinal per la qualificaziun per il mezfinal.
26 da december
- HC Ambri Piotta – Örebro HK 5:2
-
20:15 Sparta Prag – Team Canada 3:2
27 da december
- IFK Helsinki – Örebro HK 2:5
- HC Tavau – Team Canada 2:1
28 da december
-
15:10 Ambri-Piotta – IFK Helsinki 7:3
-
20:15 Sparta Prag – HC Tavau 9:2
29 da december – pre-mezfinals
-
15:10 Örebro HK – Team Canada 3:1
-
20:15 HC Tavau – IFK Helsinki 3:2
30 da december – mezfinals
-
15:10 Sparta Prag – Örebro HK 4:3
-
20:15 Ambri-Piotta – HC Tavau 5:0
31 da december – final
-
12:10 Sparta Prag – Ambri-Piotta 2:3 s.p.
